Y tarfarndai gorau yng Nghaerdydd ar gyfer cwrw crefft

Ychydig o flynyddoedd yn ôl, cyhoeddwyd rhestr o’r 10 tafarndai gorau yng Nghaerdydd ar gyfer cwrw crefft. Mae Walesonline hefyd wedi cynhyrchu cwpl o restrau tebyg, ond wrth gwrs mae rhestrau fel hyn yn dod yn goroedol wrth i rai barrau cau tra i rai eraill agor.

Pwrpas y post hwn yw i roi math o “arweinlyfr” diweddar ynglŷn â thafarndau cwrw crefft yng Nghaerdydd. Rwyf wedi penderfynu i beidio rhestru nhw mewn trefn penodol, neu i gynfyngu’r rhestr i ond 10, oherwydd mae’n bwysig i geisio dangos y sefyllfa cwrw crefft llawn.

Dros y blynyddoedd diwetha, dwi wedi ymweld â nifer o ddinasoedd yn y D.U., Ewrop a chwpl yng Ngogledd America. Dwi wirioneddol yn credo bod Caerdydd yn cymharu’n dda iawn i ddinasoedd eraill o ran cwrw crefft, ac yn sefyll allan fel un o’r goreuon yn Ewrop.

Cyn dechrau, un nodyn:

Does dim siopau ar y rhestr. Mae nifer o siopao potel gwych yng Nghaerdydd, ond ffocws y post hwn yw tafarndau a barrau.

St Canna's Alehouse

Tafarn newydd sy’n barod yn hynod o boblogaidd, lleolwyd o fewn y chwarter cwrw crefft sy’n datblygu yng Nhreganna. Dyma tafarn-meicro cyntaf yng Nghaerdydd. Mae’n lle diddorol a chroesawgar. Mae dewis amrywiol o gwrw casg a barilan sy’n newid yn wythnosol, felly dyma lle gwych i drio rhywbeth newydd. Mae’r tafarn yn arbennigo mewn cyrfau o Gymru, yn aml yn cynnwys Pipes, Tiny Rebel, Tenby, Grey Trees, Lines, Well Drawn, Bluestone, Mumbles, Kingstone, Mad Dog a llawer mwy!

Mae gan St Canna’s un o’r landlordiaid mwyaf cyfeillgar yng Nghaerdydd. Mae gan y tafarn ci bach hwyl hefyd. Dyma tafarn cynnes a swynol gyda rhwybeth gwahanol ar bob ymweliad. 

Crafty Devil's Cellar

Dyma bar arall yng ngorllewin y dinas yn Nhreganna. Dyma rhywle angenreidiol i ynweld os rydych chi’n hoff o gwrw crefft. Yn gwreiddiol, siop potel gyda bar blasu oedd y tafarn, ond mae wedi esblygu dros amser i fod yn bar gyda bach o siop. Dyma tafarn cynnes gyda dewis da o gwrw lleol, sy’n fel arfer yn cynnig un neu ddau cwrw gwest hefyd. Mae amryw gwych o botelau a chaniau. Dyma lle dda i ddarganfod rhywbeth newydd.

Mae cwrw Crafty Devil yn wastad o safon uchel, gyda

Safe as Milk (stout), Mikey Rayer All Dayer (pale ale) and You Love Us (American IPA) yn opsiynau da.

Tiny Rebel

Dyma bragdy a thafarn arloesol Cymreig. Y tap-y-bragdy ar gyfer bragdy cwrw crefft Cymreig cyntaf yng Nghaerdydd, gyda enw gwreiddiol “Urban Taphouse”. Lleolwyd o fewn adeilad coch hardd cyferbyn Stadiwm Principality, dyma bar pwysig ar unrhyw daith cwrw crefft o gwmpas. Mae llwyddiant y bar hwn wedi arwain at ail dafarn yn ninas cartrefol Tiny Rebel – Casnewydd – a bar bach ym mragdy newydd y cwmni yn Rogerstone. Mae gan yr adeiliad llawer o gymeriad gyda digonedd o le.

Mae wastad gan Tiny Rebel dewis cryf o gwrw casg a barilan gyda nifer o gyrfau gwest. Mae cwrw Tiny Rebel yn dda iawn, fel dangosir gan cyn-pencampwr Prydain Cwtch.

Brewdog

Jyst lan yr heol o Tiny Rebel, does dim wir angen cyflwyno Brewdog. Mae bar Caerdydd y bragwyr crefft o’r Alban yn 3 mlwydd oed ac yn hynod o boblogaidd.

Yn aml mae’r bar yn cynnal “tap-takeovers” gan fragdai eraill, a mae’r rhestr o gyrfau yn wastad yn esblygu gyda chyrfau diddorol ac arloesol. O stowts cryfion, i IPAs llond hopys, o gyrfay sur i lagers glan a phur, mae gan Brewdog rhywbeth i bawb, gan gynnwys yr yfedwr mwy anturus!

Bragdy Pipes

Mae Bragdy Pipes yn sefydliad unigryw o fewn y dinas. Lleolwyd yn ardal Pontcanna, mae’r bragdy yn cynnal digwyddiadau “bar agored” yn fisol yng nghwrt y bragdy– ac yn fwy aml dros yr haf. Gyda amryw eang o gyrfau ar gael, o stowts cyfoethog i lagerau ffresh, dyma lle da i drio cyrfau gwahanol. Er nad yw hon yn lleoliad parhaol, mae’n haeddu ei lle ar y rhestr.

Mae uchafbwyntiau yn cynnwys Bohemian Pilsner, cwrw sur y Pineapple Weisse, a’r Californian Pale, ymysg nifer o gyrfau gwych arall.

Y Cambrian Tap

Dyma tap y bragdy ar gyfer cangen crefft y cawr mawr Brains. Bydd rhai yn teimlo nad yw hon yn “lleoliad cwrw crefft go iawn”, ond ar y cyfan mae’r cwrw yn dda ac mae’n dafarn bach croesawgar. Er bod Brains yn “fragdy mawr” erbyn heddiw, mae ei gwreiddiau yn lleol, ac yn wir mae’r bragdy’n gyfystyr a Chaerdydd. Lleolwyd yn agos at galon cwrw crefft Caerdydd (sef Westgate St), dyma lle da i ymweld am un neu ddau peint.

Mae dewis da o gwrw Brains Craft ar gael gyda rhai cyrfau gwest ar gael hefyd. Mae goreuon Brains Craft yn cynnwys Barry Island IPA, Boilermaker (American IPA) ac Atlantic White Witbier. 

Y Lansdowne

Tafarn gymunedol hyfryd yn ardal Treganna. Mae’n werth teithio allan o ganol y dinas jyst i ymweld a’r dafarn hon! Dyma hen dafarn sydd wedi cael bywyd newydd gyda pherchenogwyr newydd (sydd hefyd yn berchen ar y Grange yn Grangetown).

Mae yna math o swyn hen ffasiwn syml i’r dafarn hon. Mae’n cynnig bwyd gwych yn o gystal a chwrw bendigedig. Fel arfer mae gyrfau lleol ar gael o Pipes a Crafty Devil, ac amryw o dapiau sy’n newid, gyda chwrw o Gymru a thu hwnt ar gael. Rydym yn angen mwy tafarndau cymunedol fel y Lansdowne. 

Y City Arms

Dyma tafarn gwobrwyol sy’n berchen i Brains, ond yn cynnig llawer mwy o gyrfau na tharfandai eraill Brains. Dyma tafarn clasurol Caerdydd – ffefryn personol ar ddiwrnod rygbi personol – mae’n dafarn o oes Fictoriaidd sydd wedi cadw ei phersonoliaeth.

Tafarn poblogaidd ar y “scene” cwrw go iawn am nifer o flynyddoedd… Hynod o dda i ymweld, yn enwedig ar ddiwrnod rygbi.

Smallbar

Seren bach newydd yng nghanol Caerdydd. Sefydlwyd ychydig dros flwyddyn yn ol, ond yn barod yn hynod o boblogaidd. Gyda 32 o dapiau rydych chi’n sicr o weld dewis eang, gyda’r diod-len yn cynnwys dewis o gwrw sur, tywyll, lager, pale/IPA a “crazy shit”(!)

Mae rhywbeth i bawb yma, a mae’r cyfeintiau bach (traean, hanner a dwy draean) yn annog chi i drio sawl cwrw mewn ymweliad. Yn aml yn cynnig dewis da o gwrw Cymreig yn o gystal a chyrfau da o Loegr, gyda Left Handed Giant yn nodweddol.

Hopbunker

Hopcraft/Pixie Spring Brewery sy’n perchen y dafarn danddaearol hon. Mae dewis enfawr o gyrfau ar gael, o Gymru a gweddill y DU. Mae’n hawdd gweld pam fo Hopbunker wedi ennill nifer o wobrau CAMRA ers agor ychydig blynyddoedd yn ol. Mae uchafbwyntiau yn cynnwys cyrfau Hopcraft (wrth gwrs) ac unrhywbeth gan Waen (sy’n cynhyrchu ym mragdy Hopcraft).

Lleolwyd yn cynd-clwb y Barfly, mae’r lleoliad tanddaearol Hopbunker yn creu awyrgylch diddorol a gwahanol.

Canolfan Celfyddyd Chapter

Dyma tafarn Treganna arall gyda detholiad newidol o gwrw Prydeinig. Dyw hyn ddim yn dafarn cwrw crefft per se, ac i ryw raddau mae wedi cwympo tu ol i St Canna’s a Crafty Devil yn Nhreganna, ond mae’n bar digon da tybeth. Mae ganddo detholiad eitha da o boteli, sy’n werth nodi.

Y Mochyn Du 

Dyma arwr o dafarn ymysg cymuned Cymry Cymraeg Caerdydd. Ar hyn o bryd, mae’n cynnig nifer o opsiynau gwych o ran cwrw crefft Cymreig, gan gynnwys Grey Trees, Pipes a Gower. Yn mis Ionawr bydde’n ail agor o dan rheolaeth newydd fel “brewpub”.

Bydd rhaid aros i weld pa effaith bydd hyn yn cael, ond gobeithiaf bydd y Mochyn yn cadw ei hunaniaeth Cymraeg.

I grynhoi, tafarn cyfeillgar sy’n gynnes yn y gaeaf, ac yn braf yn ystod y haf.

Zerodegrees

Rhan o gadwyn o brewpubs ar draws Prydain, sy’n gynnig dewis o gwrw a fragwyd ar y safle. Efallai bach llai o gymeriad na thafarndai eraill ar y rhestr hon – er bod tu allan yr adeilad yn hynod o hardd. Wedi dweud hynny, mae’r cwrw dal yn eitha da.

Y Pen & Wig

Eto, dyw hyn ddim yn dafarn cwrw crefft yn benodol, ond mae wastad dewis da ar gael, ac mae’n haeddu ei lle yma oherwydd y “tap takeovers” misol maent yn trenfu.

Mae’r Pen & Wig yn boblogaidd gyda myfyrwyr a gweithwyr swyddfa, ac mae ganddo un o erddi cwrw gorau Caerdydd, sy’n ardderchog ar ddiwrnod braf!

Porters 

Dyma bar gwahanol, gyda theimlad tanddaearol. Eto, nid tafarn cwrw crefft yw Porters, ond mae wastad dewis da gyda nhw – gan gynnwys dewis gwych o boteli. Yn aml mae Glamorgan ar dap, sy’n dda iawn. Yn syml, dyma tafarn diddorol gyda llawer o bersonoliaeth, ac amryw o ddigwyddiadau difyr.